[رائد المالكي]

السلام عليكم ورحمة الله وبركاته ,
يسعد أوقاتكم بكُل خير

بصراحة ما حمسني لتصميم الثيم إلا فكرة برأسي
لكن اللي موقفني طريقة الأيقونات الوهمية
وأبشركم جبت رأسها
الثيم بنات أفكاري أشغلوني فيه والحمدلله
طلعت بنتيجة مختلفة وحلوة بعد الخمول اللي صابني .

صورة الثيم :



لتحميل الثيم :

http://www.raayeed.net/iphone/Lonely-iRAAYEED.zip

- للي ما يعرف طريقة تثبيتهم بالآي فون بشرح لهم الطريقة
وكل واحد يستفيد يدفع نص ريال البيبسي موب احسن منا ,
وطبعاً الشرح لمستخدمي وندوز حقين الماك ع جنب .


أولاً: لازم يكون في جهازك برنامج اسمه iFunBox .

ثانياً : تفك الضغط عن الثيم اللي حملته .

ثالثاً : تشغل برنامج iFunBox وتكون شابك آي فونك بالكمبيوتر وحيطلع جهازك أونلاين .

رابعاً : تضغط ع اسم جهازك وبتلقى ملفات داخل , اختار اللي اسمه Raw File system .

خامساً : أدخل على هالمسار الخاص بالثيمات للآي فون :

/private/var/stash/themes

سادساً: بعد فك الضغط عن الثيم أنسخ المجلد بالكامل وألصقه بالمسار السابق .

سابعاً: روح لبرنامج وينتربورد وبتلقى إسم الثيم موجود قدامك وأعتمده Lonely - iRAAYEED !



الحين نجي لشرح طريقة الأيقونات ( التطبيقات ) الوهمية اللي تفيد ترتيب الثيم على حسب تصميمه

أولاً : لازم تسوي داون لود لهالملف التالي :

http://www.ali-aljeraisy.com/WebClips.zip

طبعاً موجود فيه 150 ايقونة وهمية شفافة ,

ثانياً : أنسخ العدد اللي تبيه من الأيقونات للمسار التالي :

private/var/mobile/Library/WebClips

أنا أضفت تقريباً 18 ايقونة اللي احتاجها فقط .

ثالثاً : سوي ريستارت لآيفونك ,

رابعاً : أنا طلعت لي أول مرة يوم اضفت 5 ايقونات كتجربة رسالة تحذيرية
طلعت ونطت بوجهي اقصد شفتها وانخرشت لأن فيها سيف مود لكن لا تطقون لها خبر
اضغطوا على ريستارت وبيرجع يشتغل الآي فون زي القشطة .

خامساً : اللي ما عنده الآي تونز النسخة التاسعة يقلب فيسه
أقصد يحمل النسخة التاسعة لأن فيها خيار ترتيب التطبيقات ( الأيقونات) ويعتمدها الجهاز .


مثل ماهو موضح بالصورة التالية :



سادساً : الثيم والشرح عليكم بالعافية .

سابعاً : لا تنسون التقييم لو الموضوع يستاهل .

ثامناً : أي استفسار للمبتدئين لا يردكم إلا الكيبورد .


همسة شُكر : لصديقي المصور والمصمم ( زلزال ) أو ( علي الجريسي ) أو ( 35mm )
مثل ما يحب على إضافته للأيقونات الشفافة في موقعه سابقاً .